Алматының бас санитар дәрігері құрбан айт күндері қалаға мал кіргізуге шектеу қойған. Полиция департаменті бақылауды күшейтіп, жүк көліктерін қатаң тексеріп жатыр. Алайда қала іргесінде тұрған Алтынорда базарында сауда қызып тұр. Саудагерлер «біз жабылмаймыз» дейді. Дін өкілдері халықты базарға бармай, мүфтият қабылдаған «онлайн құрбандық» шалуға қатысуға шақырады.