Қазақстан үкіметі экономиканы монополиясыздандыру бойынша арнайы комиссия құрды. Бұл топ елдегі телекоммуникация, медиа активтер және өзге де салаларда негізсіз жекешелендірілген нысандарды мемлекет меншігіне қайтарумен айналыспақ. Комиссия бұрынғы президент Нұрсұлтан Назарбаев пен оның отбасы мүшелерінің жекеменшігіне өтіп кеткен ғимараттарды қайтара ала ма, жоқ па белгісіз.