Украина МАГАТЭ-ге Запорожье АЭС-інің жұмысшылары жұмыстарын жалғастырып жатқанын, бірақ "станцияның басшылығы ресейлік командирдің бұйрығына бағынышты" деп мәлімдеген.
Бірнеше күн бұрын Ресей әскерилері Запорожье атом станциясына бақылау орнатқан еді.
Беларусьте Украина мен Ресей арасындағы келіссөздің үшінші раунды басталды. Алғашқы екі раунд айтарлықтай нәтиже бермеген еді.
Қазақстандағы Kinopark және Kinoplex кинотеатрлары 1 сәуірден бастап белгісіз уақытқа жабылады. Себебі Голливуд фильмдерін ұсынатын компания Ресейге киноленталарды беруден бас тартқан. Ал Қазақстандағы бұл кинотеатрлар Голливуд фильмдерін Ресей арқылы алып келген еді.
Еуропа одағы жақын күндері Украинаның одаққа мүше болуын талқылайды. Бұл туралы Еуропа кеңесінің төрағасы Шарль Мишель твиттерде жазды.
"Еуропа одағы Украинамен достықта, көмек көрсету жолында еш ауытқымайды" деді ол.
Еурокомиссияның басшысы Урсула фон дер Ляйен осыған дейінгі сөзінде Украинаның одаққа кіру процесі бірнеше айда біте салатын жұмыс емес деген еді.
Bloomberg агенттігі дереккөздеріне сілтеме жасап, Еуропа одағындағы бірнеше ел, соның ішінде Германия мен Нидерланды Украинаның одаққа кандидат болуына қарсы екенін хабарлады.
ПІКІРЛЕР